TV-ga Sweden ayaa daabacay warbixino ku saabsan shaqo la’aanta ama dhibaatooyinka adag ee ka jira suuqa shaqada ee Iswiidhan gaar ahaan soo galootiga.
Mid ka mid ah warbixinadiisa, talefishinku wuxuu kaga hadlay qisada Amani Desouki iyo Muxamed Muxamed oo dhowr sano ka hor ka yimid dalka Suuriya, kuwaasoo inkastoo ay shahaado jaamacadeed iyo waayo-aragnimo shaqo ah ka heleen, haddana la halgamaya sidii ay u heli lahaayeen shaqo u dhiganta shahaadadooda iyo waayo-aragnimadooda.
Warbixintan oo lagu daabacay bogga TV-ga Sweden ayaa lagu sheegay in Amani iyo Mohammed aysan is aqoon, balse ay wax badan wadaagaan, kadib markii ay ka soo carareen Suuriya, ay riyadooda ka tageen oo si niyad sami ah u yimaadeen Sweden.
Markii uu Muxammad yimid Sweden sannadkii 2015, waxa uu ka baxay hal sano oo waxbarashadiisa ah oo uu ahaa Injineer dawladeed, ka dib markii uu af-iswidhishka bartay waxa uu dhammaystay waxbarashadii injineernimada, intii uu wax baranayeyna waxa uu ku shaqeeyay shaqo Cunto geynta ah, si ay u helaan lacag ku filan qoyska. Laakiin markii uu qalin jabiyay 2020, wuxuu isku dayay inuu shaqo ku helo xirfadiisa laakiin ilaa hadda, wuxuu weli ka shaqeeyaa Cunto geynta.
“Mar walba waxaan isku dayaa inaan dulqaato laakiin mararka qaarkood ma dareemi kartid” Mohammed ayaa yidhi.
Dhanka Amani, waxay timid Sweden sanadkii 2016, kadib sagaal sano oo ay la shaqaynaysay hay’ad Qaramada Midoobay ka tirsan, isla markaana ay ka korodhsatay khibrado kala duwan, hase yeeshee CV-geeda kuma filna inay shaqo ku haboon ka hesho Sweden.
