Dowlada Sweden ayaa tarxiileysa dad kasoo jeeda Wadanka Afganistan kuwaasi oo heesta Diidmo isla markana lagu amray in wadanka ka baxaan.
Afgaanistaan waa mid ka mid ah wadamada aysan booliska tarxiil ka geysan karin. Iyaga oo kaashanaya shirkad diyaaradeed oo liiska madow ku jirta iyo safar ay ku soo mareen Uzbekistan, booliisku waxay rumaysan yihiin in ay xal u heleen in dhawr qof oo Afgaanistaan ah la tarxiilo.
Qof kasta oo aan haysan dhalashada Iswiidhishka oo gala dambiyo waaweyn ama soo noqnoqda waxaa lagu xukumi karaa masaafurin, sida uu qabo sharciga Sweden. Hadda, booliisku waxa ay gacanta ku hayaan ku dhawaad 800 oo kiis oo noocaas ah.
Afgaanistaan oo ay Taalibaan ka talinaysay tan iyo sannadkii 2021-kii ayaan lahayn xiriir diblumaasiyadeed, taasoo ka dhigaysa in Sweden aysan si qasab ah ku masaafurin dadka dambiyada lagu xukumo.
Sidoo kale dadka Afgaanistaan ah ee lagu helay dambiyada kuwaas oo iyaga laftoodu ogolaaday in ay Sweden ka baxaan ayaan la tarxiilin, maadaama ay adkayd in loo safro Afgaanistaan. Laakiin hadda booliisku waxay rumaysan yihiin in ay xal heleen, iyaga oo isticmaalaya shirkad diyaaradeed.
– SAfarka ayaa loo marayaa dalka Uzbekistan iyagoo kadib diyaarad loo sii raacayo wadanka Afganistan, madaxa booliiska.
Diyaaradda Afgaanistaan ee uu booliisku qorsheynayo in ay isticmaalaan, Kam Air, ayaa Midowga Yurub ku daray liiska madow sababo la xiriira heerka badbaadada, taasoo la macno ah in aan loo ogolayn in ay ka dhex shaqeeyaan Ururka. Waqtiyadii hore, shirkadda ayaa sidoo kale lagu daray liiska madow ee Mareykanka, ka dib markii laga shakiyay in shirkaddu ay qaado tiro badan oo maandooriye ah.
