Qarax ayaa ka dhacay masjid ku yaalla waqooyiga gobolka Badakhshan ee dalka Afghanistan. qaraxa ayaa l dhacay intii lagu guda jiray aaska mas’uul sare.
Waxay ahayd aaska Badakhshan Guddoomiye ku-xigeenkii Nissar Ahmad Ahmadi. Waxaa lala dilay darawalkiisa oo qarax gaarigiisa loogu xiray Talaadadii.
Kooxda Daacish ayaa sheegatay mas’uuliyadda qaraxa gaariga lagu soo xiray, balse lama oga cidda iyo waxa ka dambeeya qaraxa ka dhacay masjidka.
Wariye Xabiiba Saalixi oo u shaqeysa warbaahinta Jarmalka ayaa qortay in ugu yaraan 15 dhimasho ah iyo 25 dhaawac ah, balse tiradan si rasmi ah looma xaqiijin.
Axmadi waxa uu ka mid ahaa dhaq-dhaqaaqa Taalibaan ee ka talinayey Afgaanistaan tan iyo 2021. Waxa ay dagaal bahalnimo ah kula jireen laanta deegaanka ee IS, taasoo keentay in la dilo tiro saraakiil sarsare ah iyo dad badan oo rayid ah. Ammaanka Afgaanistaan si kale ayuu u soo hagaagayay ilaa 2021-kii.
