Maxkamada Götenborg oo ka laabatay go’anka lagu xiray Iskuulada Islaamiga

Foto Adam Ihse / TT

Maxkamadda maamulka ee magaalada Stockholm ayaa maanta go’aan ku gaartay in la joojiyo xiritaanka saddex dugsi oo diinta Islaamka lagu barto oo ku yaalla magaalada Göteborg, taasoo xadgudub ku ah go’aankii guddiga kormeerka dugsiyada.

Kormeerku wuxuu go’aansaday inuu xidho saddexda dugsi ee Römosseskolan ee Göteborg laga bilaabo Noofambar 19, iyada oo la tixgelinayo in xubnaha guddiga “aan ku habboonayn” inay qabtaan hawlo waxbarasho.

Dugsiyadu waxay ka tirsan yihiin Ururka Dugsiyada Horumarka (Framstegsskolan). Kormeerka dugsigu wuxuu tixgeliyey in xubno badan oo ka tirsan guddiga maamulka ee ururka aysan ku habboonayn sii wadida hawlaha waxbarashada.

Iyadoo Maxkamaddu ay maanta go’aan ku gaartay in la hakiyo go’aankaas inta laga gaarayo nuxurka arrinka, taasoo ka dhigan in dugsiyadu sii wataan howlahooda waxbarasho.

Ka dib go’aankii kormeerka ee lagu xiray dugsiyadaasi, waxa ay xeer ilaalinta ku soo eedeysay maamulihii hore ee dugsiyada wax isdabamarin iyo dambiyo maaliyadeed oo ka daran isagoo la wareegay lacag dhan 13 milyan oo karoon.

Baadhitaan uu daabacay wargeyska fiidnimo ee GT) ayaa lagu sheegay in malaayiinta la lunsaday qaarkood lagu kharash gareeyay guryo dhillooyin ah oo ku yaalla Thailand iyo hoteello qaali ah oo ku yaalla dalal dhowr ah.

Somaliska Sharciyada Qaxootiga iyo Wararka Caalamka

Be the first to comment

Leave a Reply

Your email address will not be published.


*