Maamulka Sweden ayaa xaqiijiyay in shabakadaha dambiilayaasha ay sii kordhinayaan isticmaalka carruurta yaryar ee dambiyada. “Waxaa jira caruur da’doodu u dhaxayso todobo ama sideed jir oo iibinaya maandooriyaha” ayay tiri Karin Jutblad, madaxa bilayska ee Waaxda Hawlaha Qaranka. Waxaan leenahay dhalinyaro aan si dhab ah u fahmin waxa ay galayaan oo doonaya inay joojiyaan, laakiin waa loo hanjabay.”
TV-ga dalka Sweden ayaa maanta soo bandhigay qisada wiilka yar ee Kim oo ku lug lahaa dambiyada daroogada iyo hubka, wuxuuna bilaabay iibinta daroogada isagoo 14 sano jir ah.
Kim waxa uu muddo dheer ku sugnaa deegaan gaangistar ah, waxaana lagu helay dambiyo dhowr ah, waxaana lagu xukumay xabsiyo, ka hor inta uusan bixin.
Kim waxa uu carabka ku adkeeyay in isticmaalka caruurta ee kooxaha dambiilayaasha ah ay noqotay istiraatijiyad caadi ah,maadaama loo isticmaalo in lagu raro hub iyo daroogo si looga fogaado ciqaab adag.
“Haddii qof weyn la xiro, waxaa laga yaabaa in lagu ciqaabo xabsi sannado ah, laakiin cunuggu wuu ka baxsadaa ciqaabta ka dib markii uu ka soo qayb galay kulamo badan oo dhaqancelin ah, ka dibna dib ayuu u soo baxaa,” ayuu raaciyay.
