Ra’iisul Wasaaraha ayaa ku tilmaamay ficilada Ruushka ee Ukraine duulaan, wuxuuna sheegay inaan gabi ahaanba la aqbali karin. Waxaa sidoo kale la sheegay in Kanada oo ay weheliso xulafadeeda ay qaadi doonaan tillaabooyin lagu go’doominayo Ruushka dhaqaale ahaan. Midowga Yurub, Mareykanka iyo UK ayaa cunaqabateyn kusoo rogay Talaadadii horraanteedii.
Trudaeu ayaa sidoo kale sheegay in ilaa 460 askari loo diri doono Latvia iyo gobolka ku xeeran si ay NATO u xoojiyaan duulaanka Ruushka.
Isniintii, Ruushku waxa uu labada Jamhuuriyadood ee ka go’ay Luhansk iyo Donetsk ee bariga Ukraine u aqoonsaday dawlado madaxbannaan.
Madaxweyne Vladimir Putin ayaa sidoo kale ku dhawaaqay in la dirayo “ciidamo nabad ilaalin ah”, wuxuuna Talaadadii siiyay wakiilada la doortay ee Ruushka calaamad cad oo ah in ciidamada Ruushka ay awood militari u adeegsan karaan meel ka baxsan xudduudaha Ruushka.
