Qof ayaa ku dhaawacmay ka dib markii ay booliisku ku toogteen waddo ku taalla bartamaha Huediksvall. Booliiska ayaa xiray goobta laga dukaameysto ee ganacsiga kadib dhacdada.

Galinkii dambe ee maanta ayaa booliska waxaa soo gaaray war sheegaya in qof mindi ku hubeysan uu dukaanka galay booliska ayaana toogtay markii ay halkaasi ugu tageen.

“Nin bilayska ka tirsan ayaa ku dhuftay rasaas,” ayuu yiri afhayeenka booliiska Tobias Allen. Qofka waxaa isbitaalka u qaaday gaari ambalaas ah, walina ma cadda xaaladda dhaawaca. Sida laga soo xigtay SVT.

Sida ay sheegayaan dad goob joogayaal ah oo ku sugnaa goobta uu falka ka dhacay, ninkan ayaa booliska ugu hanjabay mindi, kadibna waxaa laga toogtay lugta.

Qofka isbitaalka la geeyey ayaa da’diisa lagu sheegay afartameeyo, waa la xiray, mana cadda xaaladda dhaawaciisa, balse ma uusan miyir daboolmin.