Boqortooyada Midowday (UK) ayaa dhowaan ku dhawaaqday nooc cusub oo ah fayraska Corona loonga yaqaano SARS-CoV-2.

Nooca cusub ayaa noqon kara mid faafa, laakiin ma jiraan wax caddeyn ah oo sheegaya inuu sababi doono cudur aad u daran. Dowlada Sweden ayaa maanta go aansatay in laga mamnuuco ka soo galitaanka Boqortooyada Ingiriiska sababo la xiriira faafida cudurka iyo noocyo cusub oo ka mid ah coronavirus oo laga soo sheegay halkaas.

Wakaaladda Caafimaadka Dadweynaha ee Iswiidhan ayaa hadda go’aansatay in ay ku booriso dadka soo booqanaya Sweden in ay guryahooda joogaan ugu yaraan toddobo maalmood ka dib markay yimaadaan Iswiidhan kana fogaadaan la xiriirka dadka kale sida ugu macquulsan. go’ankaasi uu quseeyo dadka kasoo safray Boqortooyada Midowday UK laga bilaabo 12-ka Diseembar.

Hay’adda Caafimaadka Dadweynaha ee Sweden waxay sidoo kale ka codsaneysaa dadka ka imanaya UK inay isbaaraan sida ugu dhakhsaha badan ay awoodaan markay yimaadaan Iswiidhan iyo inay iska qaadaan tijaabada Corona shan maalmood ka dib markay yimaadaan. Qoyska intiisa kale waa inay sidoo kale guriga joogaan iyagoo sugaya natiijooyinka Baaritaanka, carruurtu sidoo kale waa inaysan aadin dugsiga iyo dugsiga xannaanada.

Qof kasta oo laga helo baaritaanka cudurka ‘covid-19’ waxaa la xiriiri doona daryeelka la-socoshada.