Bob Boese oo ka tirsan xafiiska Sheriff ee degmada Los Angeles ayaa sheegay in Qof toogashada geystay uu yahay nin.
Toogashada ayaa dhacday 10.20pm fiidnimadii Sabtida.
Sawirro iyo muuqaallo lagu baahiyay baraha bulshada ayaa muujinaya dad badan oo isugu soo baxay booliiska iyo adeegyada kale ee gurmadka. Dadkii ku dhaawacmay israsaaseynta ka dib ayaa loo qaaday dhowr isbitaal oo ku yaalla deegaanka. Xaalada ayaa lagu tilmaamay mid halis ku ah qaarkood.
Labo goob jooge ayaa sheegay in ay maqleen rasaas la isweydaarsanayay, balse markii hore waxa ay u maleeyeen in ay tahay rashka la xiriirta sanadka cusub ee Shiinaha, kaas oo laga xusayo deegaanka. Dabbaaldegga Monterey Park – halkaas oo inta badan dadka deggan ay ka soo jeedaan Shiinaha ama Aasiyaan kale – waa mid ka mid ah kuwa ugu weyn gobolka. Tobanaan kun oo booqdayaal ah ayaa la filayay inta lagu guda jiro fasaxa labada maalmood ah, ayay qortay LA Times.
