Nin Suuriyaan ah, oo sheegtay inuu yahay dhakhtar isla markaana gudniin ku sameeyay sagaal wiil isagoo adeegsanaya qalab koronto ayaa la siiyay xukun ganaax ah, adeeg bulsho iyo ganaax $ 10,000.
Ninkan degan magaalada Gavle, ayaa la sheegay inuu 30 jir yahay, waxaa lagu soo oogay dacwado waxyeelo jireed iyo jabin sharciga Sweden ee gudniinka, warbaahinta maxalliga ah ayaa werisay sidaasi. Maxkamadda ayaa loo sheegay in qaar ka mid ah dhibbanayaasha ay ka cawdeen wixii lagu sameeyay iyaga ka dib. Xeer ilaaliyeyaashu waxay codsadeen xukun labo sano ah.
Laakiin maxkamadda ayaa sheegtay in dacwadaha qaar aan la caddeyn karin Haddii maxkamaddu dooran lahayd xabsi, eedaysanuhu wuxuu wajihi lahaa ilaa siddeed bilood oo xabsi ah.
Taabadalkeed, wuxuu helay xukun ganaax ah iyo 180 saacadood oo adeeg bulsho ah. Wuxuu sidoo kale bixin doonaa magdhaw dhan 55,000 oo karoon ($ 6,400), oo lagu daray ganaax dhan 33,000 karoon ($ 3,800).
Dhammaan sagaalka gudniin ayaa dhacay intii u dhaxeysay Abriil iyo Maajo 2018 magaalada Gavle waalidka wiilasha ayaa la sheegay inay la xiriireen ninkan oo ah muwaadin reer Siiriya ah iyagoo u sii maraya iskuulka bilaal ee dadka muslimiinta ah waxayna siiyeen lacag dhan 230 $ adeegiisa.
Iswiidhan waxay sharci ka dhigtay in gudniinka ay sameyn karaan dhaqaatiir heesta ruqsad iyagoo adeegsanaya aalado qalliin oo habboon oo xaalado ammaan ah leh. Ninkan ayaa ku andacooday in loo soo tababaray dhaqtarnimo markii uu dib ugu laabtay Syria, laakiin dhaqaatiir caafimaad oo kormeer ku sameeyay shaqadiisa ayaa u sheegay maxkamada inay ka shakiyeen aqoonsigiisa. Ma uusan haysan rukhsad uu kaga shaqeysto Iswiidhan runtiina sharci ahaan kama shaqeyn karo adeeg caafimaad.
Somaliska Gävle
