Xisbiga Sverigedemokraterna ee Sundbyberg ayaa raba inuu burburiyo buundada dhex marta degmada Sundbyberg ee Ursvik iyo xaafadda Rinkeby ee magaalada Stockholm, sida uu qoray wargeyska Aftonbladet.
Xisbigu waxa uu rumaysan yahay in buundada ay abuurto amni-darro korodhay oo la dareemayo iyo in ay keento in qiimaha guryuhu hoos u dhaco.
“Buundadaasi waxay ka dhigan tahay in meesha ugu nugul ee Rinkeby ay dhab ahaantii aad ugu dhowaan doonto Stora Ursvik,” ayay Carina Cortés, oo ah guddoomiyaha xisbiga SD ee Sundbyberg ku qortay email-ka Aftonbladet.
Buundadan ayaa gabi ahaanba la dhameeyay sanadkii 2017-kii, waxaana markaasi la guddoonsiiyay Rugta Ganacsiga ee Stockholm Abaalmarinta Deegaanka Magaalada, sida uu sheegay SVT Stockholm. Laakin maanta shan sano ka dib weli ma furin buundada.
