Dawladda Sweden waxay kordhisay, xayiraadaha safarka ee Sweden ee wadamada gudaha iyo dibadda ee Midowga Yurub, oo bilaabmaya 31ka Oktoobar.
Halka kordhintaan ay ku jirto ka reebis cusub oo loogu talagalay dadka safarka ah ee ka yimid Mareykanka, kuwaas oo lagu tallaalay tallaalka Corona.
Dowladda Sweden ayaa sheegtay in sababta ay u kordhisay xayiraada dhanka safarka ah oo ay ugu wacan tahay sii socoshada faafitaanka caabuqa Carona ee dunida.
Marka loo eego go’aanka, mamnuucista gelitaanka dadka safarka ah ee ka imaanaya wadamada EU/EEA ayaa la kordhiyay ilaa 30ka Noofambar. Si aad ugu safarto Iswiidhan wadamadan, shahaado dijitaalka ah oo sheegaysa in qofka socotada ah uu helay tallaalka covid-19, shahaado tijaabo ah oo diidmo ah 72 saacadood ka hor inta uusan iman, ama caddaynta in uu ka soo kabsaday covid-19 lix bilood gudahood ayaa loo baahan yahay.
Sidii hore oo kale, dadka safarka ah ee ka imaanaya wadamada Waqooyiga Yurub wax xayiraad ah laguma soo kordhin.
Mamnuucida dadka u socdaalaya Sweden ee ka imaanaya wadamada ka baxsan EU/EEA ayaa sidoo kale la kordhiyay ilaa 31-ka Janaayo 2022. Mamnuucida ayaa salka ku haysa talo soo jeedin ka timid golaha wasiirada EU, taasoo soconeysa ilaa iyo 31-ka Janaayo.
