Sweden waxay go’aansatay inay erido diblomaasi Ruush ah, iyadoo ka jawaabeysa cayrintii Moscow ee diblomaasi Swedish ah ka dib banaanbaxyadii ka dhacay Ruushka. “Safiirka Ruushka wuxuu noo sheegay in qof ka tirsan safaarada Ruushka laga codsanayo inuu ka baxo Sweden,” ayay xoghayaha arrimaha dibedda Ann Linde ku soo qortay Twitter. Tani waxay jawaab cad u tahay go’aanka aan la aqbali karin ee lagu ceyriyay diblumaasi u dhashay Sweden oo shaqadiisa kaliya gudanayay
Poland iyo Jarmalka ayaa sidoo kale go’aansaday inay diblumaasiyiinta Ruushka ka eryaan dalalkooda, taasoo jawaab u ah cayrintii maamulka Ruushka ay ku sameeyeen labo diblomaasi oo ka kala socday labada dal
Swedish wasaaradda arrimaha dibadda ayaa xaqiijisay Jimcihii la soo dhaafay in Ruushka uu codsaday diblomaasi Swedish in ay dalka ka baxaan hal toddobaad gudahiisa. Tani waxay kicisay jawaab celin cambaareyn ah oo ka timid Midowga Yurub .
Ruushka wuxuu ku eedeynayaa 3 diblomaasiyiin, Swedish, Jarmal iyo Polish ah inay ka qeybgaleen banaanbax lagu taageerayay mucaaradka Ruushka Alexei Navalny, oo ay diidday Wasaaradda Arimaha Dibadda ee Sweden oo sheegtay in diblomaasigaasi uu ka soo qeybgalay banaanbaxa isagoo ah “goobjooge”, taas oo dhacdooyin caadi ah ku ah shaqada diblomaasiyadda.
