Dowladda Sweden ayaa sheegtay in Ann Linde iyo Pekka Haavisto oo ka socota Finland ay kulan gaar ah la yeelan doonaan Stoltenberg.
Labada dal ayaa lagu casuumay shirka aan caadiga ahayn ee wasiirada arrimaha dibadda ee dalalka kale ee ay saaxiibada yihiin sida Ukraine, Georgia, Japan, South Korea, Australia iyo New Sland
Shir jaraa’id oo uu qabtay ka hor kulanka Arbacada, Stoltenberg ayaa wax laga weydiiyay suurtagalnimada in Iswidish iyo Finland ay xubin ka noqdaan NATO.
– Iyaga ayay ku xiran tahay go’aanka. Laakiin haddii ay codsadaan, waxaan filayaa 30-ka xulafada inay soo dhaweeyaan, ayuu yidhi. Madaxa NATO ayaa tilmaamay in Sweden iyo Finland ay yihiin saaxiibo dhow oo isbahaysigu uu si dhow ula shaqeeyo, balse dammaanadda difaaca wadajirka ah ay khuseyso oo keliya dalalka xubnaha ka ah.
