Gabar 16 jir ah oo sweden u dhalatay oo lagu magacaabo Sandra Svensson ayaa la toogtay intii lagu guda jiray weerarkii lagu qaaday xarunta ganacsiga ee “Fields” ee magaalada Copenhagen 3-dii bishii hore ee July. Sandra waxay isku diyaarinaysay inay ka qaybgasho xaflada Harry Styles, oo ay sugaysay muddo 3 sano ah.
Muddo ku dhow hal bil kaddib dhacdadii gilgishay Denmark, Sandra ayaa SVT u sheegtay waqtiyo adag oo ay la kulantay intii uu socday weerarka, kaasoo ay ku dhinteen saddex qof, tiro kalena ay ku dhaawacmeen.
Sandra waxaa laga dhaawacay gacanta iyo calaasha. “Waxaan dareemay in aan kaco oo aan ordo,” ayay tiri. Nasiib wanaag waan awoodi waaayay inaan taas sameeyo.”
“Qofna ima caawin,” ayay tiri. Waxaan ku qayliyay af Iswiidhish iyo Ingiriisi si aan u caawiyo oo aan u waco ambalaas, laakiin qofna ma samayn taas (…) Waxaan fahamsanahay in dadku ay dareemi karaan naxdin taas oo u diidaysa inay ku dhaqmaan xaaladahan oo kale, laakiin dad badan ayaa duubayay waxa dhacaya, taas oo macnaheedu yahay in ay ka war hayeen waxa ay samaynayaan, oo ay u yeedhi karaan ambalaas. Aad ayaan uga niyad jabay in qofna i caawin waayay.”
Sandra ayaa ugu dambayntii caawimo ka heshay ambalaaskii, waxaanay Denmark u joogtay muddo toddobaad ah si ay u hesho dawo. Haatan xaaladeeda caafimaad way wanaagsan tahay, waxaanay isu diyaarinaysaa in ay u ololayso xisbiga muxaafidka ah iyada oo xubin ka ah ururka dhalinyarada muxaafidka ah.
