Madaxweyne Vladimir Putin ayaa amar ku bixiyay in ciidamada Ruushka ee ka hortagga Nukliyeerka la geliyo heegan sare, taasoo sare u kacday xiisadda kala dhexeysa reer galbeedka ee ku aaddan duulaanka Moscow ee Ukraine .
Putin ayaa Axadii sheegay in hogaamiyaasha awooda NATO ay sameeyeen “hadalo gardarro ah” iyagoo ku soo rogaya cunaqabatayn dhaqaale oo adag oo ka dhan ah Ruushka iyo naftiisa.
Kulan uu madaxwaynuhu la yeeshay saraakiishiisa ugu saraysa ayuu ku amray wasiirka gaashaandhiga iyo taliyaha guud ee ciidanka in ay ciidamada ka hortaga Nukliyeerka u dhigaan “nidaamka gaarka ah ee dagaalka”.
Amarka ayaa sare u qaadaya khatarta ah in xiisadaha ay horseedi karaan isticmaalka hubka nukliyeerka.
“Xaqiiqdii waa xaalad kacsanaan ah,” weriyaha Al Jazeera ee Moscow Dorsa Jabbari ayaa tiri. “Dhoolatuskii ugu dambeeyay ee nukliyeerka wuxuu dhacay Febraayo 19, markii Putin uu sameeyay dhoolatusyo aad u ballaaran oo ku yaal Ruushka oo dhan si uu u tijaabiyo barnaamijka nukliyeerka ee dalka iyo [diyaarkiisa].”
Kremlin-ka ayaa sheegtay in ay si guul leh u tijaabisay gantaalada hawada sare iyo kuwa loo yaqaano cruise-ka ee badda iyo barriga. Madaxweynaha Belarus Alexander Lukashenko, oo xulafo la ah Putin, ayaa sidoo kale kormeeray dhoolatuska militari.
