Ra’iisul wasaaraha Sweden Magdalena Andersson ayaa si adag u cambaareysay waxa ay ugu yeertay “Rabshadaha hadda lagula kacay booliiska iyo dadweynaha Örebro”. Jawaabta rabshada ah ee noocan ah, waa mid aan la aqbali karin.
“Shalay iyo habeen hore waxaan ku aragnay muuqaalo la mid ah Linköping iyo Norrköping,” ayay Andersson ku tiri qoraal ay soo dhigtay Facebook wax yar ka hor. Askar badan oo booliis ah ayaa la dhaawacay iyaga oo ka shaqaynaya sidii ay u difaaci lahaayeen xuquuqda dimuqraadiga ah.”
“Boolisku waxay taageero buuxda ka haystaan aniga, dawladda iyo dhammaan bulshada Sweden,” ayay hadalkeeda ku dartay. Kuwa ka masuulka ah rabshadaha waa in lagula xisaabtamaa falkooda. Waan ogahay in booliisku ay horey u xireen dhowr qof, waxaanan u maleynayaa inay sii wadi doonaan inay si adag u dhaqmaan si loo soo celiyo nidaamka.”
Andersson oo hadalkeeda sii wata ayaa yidhi: “Swiidhan, qofku fikirkiisa wuu dhiiban karaa, haddii la aqbali karo iyo haddii kaleba, waa qayb ka mid ah dimuqraadiyaddayada. Iyadoo aan loo eegin ra’yiga qofku, waa in aan dagaal la qaadin. Marna ma aqbali doono taas.
Andersson waxay ku soo gabagabaysay qoraalkeeda iyada oo leh, “Ugu dambayntii, kicinta midigta fog, tani waa dhab ahaan falcelinta uu rabo inuu arko. Hadafka ugu weyn waa in dadka la iska horkeeno. Tani waa sed uu isticmaalo. Laakiin Sweden way ka fiicnaan kartaa.”
Rasmus Paludan oo u dhashay dalka Denmark ayaa shalay iyo maanta in ka badan hal meel ku gubay kitaabka qur’aanka kariimka ah. Kaas oo dhaliyay mowjado cadho ah iyo isku dhacyo dhex maray booliiska oo u dhexeeyay dad ka cadhooday hab-dhaqankiisa iyo booliiska, Linköping, Norrköping iyo Orebro, kuwaas oo sababay dhaawaca tiro boolis ah, burbur hanti dadweyne iyo gubasho. tirada baabuurta booliska iyo rayidka
