Ra’iisul Wasaare Ulf Kristershon ayaa sheegay in 16 toogasho ah iyo 11 qarax ay ka dhaceen Stockholm oo keliya tan iyo Christmas-ka.

Madaxda dhinacyada heshiiska “Tido” oo sida uu dhigayo dowladda lagu soo dhisay ayaa shir jaraa’id oo ay qabteen wax yar ka hor waxa ay kaga hadleen tallaabooyinka looga hortagayo kooxaha burcadda ah, 100 maalmood ka dib markii ay dowladdu la wareegtay howlaheeda shaqo.

“Waxaynu nidhi ka hor doorashooyinka waa in lafuliyaa,” Kristersson ayaa yidhi, isaga oo tixraacaya tillaabooyinka lagu adkeynayo sharciyada, samaynta aagagga kormeerka, lagu dabaqo mabda’a markhaatiyaasha aan la garanayn, iyo tallaabooyin kale.

Seddexda xisbi ee dowladda,, Christian Democrats iyo Liberalerna iyo sidoo kale Sverigedemokraterna (SD) ayaa galay doorashada iyagoo ballan-qaaday in ay qaadi doonaan tallaabooyin adag oo ka dhan ah kooxaha burcadda ah iyo in sharci fulinta la siiyo awood dheeraad ah.

“Waxaa jirta khatar weyn oo ku wajahan nolol maalmeedka dad badan. Tani waa inaysan sii socon.”

Waxayna xukuumaddu ku dhawaaqday inay go’aanno ka qaadan doonto shirka golaha wasiirrada ee maanta si loo sii ambaqaado soo jeedinta ansixinta xeerarka cusub ee shaqada qarsoon ee la dagaallanka dembiyada, adkaynta ciqaabta dembiyada ku xidhan shabakadaha dembiyada, iyo kordhinta fursadaha tallaabooyinka.