Dadweyne aad u fara badan ayaa isugu soo baxay degmada Malmö, waxaana halkaasi ka baxay ciidamada booliska oo wata ilaalo dhowr ah si ay u kala eryaan dadka careysan.
– Dhowr qof ayaa gubay taayirrada baabuurta, haamaha qashinka iyo dadku waxay xitaa dab qabadsaiiyeen kaalin shidaal sida uu yiri afhayeenka saxaafadda Patric Fors ee gobolka Koonfurta.
Waxa uu sheegay in boolisku ay aaminsan yihiin in inta badan ay ku saabsan tahay dhalinyarada, isla markaana ay gurmad sameeyeen sidii ay dabka u damin lahaayeen.
Siyaasiga lagu muransan yahay ee dalka Denmark ahna garabka midig ee xagjirka ah ee Rasmus Paludan ayaa maalmihii la soo dhaafay qorsheynayay oo uu dhowr jeer ka fuliyay dalka Sweden gubista qur’aanka kariimka ah. Arintaan ayaa waxaa ka dhacay iska hor imaadyo kala duwan oo u dhaxeeyay ciidamada Booliiska iyo dad kasoo horjeeda.