Maalmihii la soo dhaafay, dambiilayaal ayaa isticmaalayay lambarka taleefoonka ee Adeegga Nabadsugida Booliska (PST) si ay u sameeyaan khiyaano dhanka taleefanka ah. PST ayaa dadka uga digtay dadkaasi.
“Waxaan tilmaamaynaa in lambarka taleefanka ee PST si khaldan loo isticmaalay si dadka loo khiyaaneeyo maalmihii la soo dhaafay,” PST ayaa ku soo qortay Twitter Sabtidii.
Isku dayga khiyaanada ayaa ku lug lahaa qofka soo wacay oo weydiistay in la siiyo lacag badan, maamulaha macluumaadka Martin Bernsen oo ka tirsan PST ayaa u sheegay wargeyska VG.
“Waxay isticmaalaan nambarka PST si ay ugu ekaadaan wax run ah, dabcan, ma ahan mid dhab ah. Haddii qof soo waco oo weydiiyo lacag, maaha PST, “ayuu yidhi Bernsen.
PST waxay hadda ka shaqaynaysaa sidii ay u joojin lahayd isku dayga khiyaanada.
Bishii hore, nambarka taleefanka Økokrim ayaa loo adeegsaday khiyaano iyadoo dad lagu dhacay.
