Nin ayaa ku dhaawacmay waxa lagu tilmaamay qarax xooggan oo habeenimadii Khamiista ka dhacay Hässelby waqooyi-galbeed ee Stockholm. Booliisku ayaa aaminsan inuu Xariir la leeyahay Dambiyada dhacaya.
Booliiska ayaa helay warbixin ku saabsan dhacdada abaare 1.30 habeenimadii Khamiista. Booliska ayaa sheegay inuu dhacay Qarax, isla markaana uu jiro burbur xooggan oo soo gaaray wajiga hore ee guriga.
Nin ayaa cisbitaalka loogu qaaday diyaarad helicopter ah oo ambalaas ah. Wuu miyir qabay oo wuxuu la hadlay bilayska, ayay afhayeenka saxaafadda Carina Skagerlind u sheegtay TT.
Qiyaastii hal saac ka dib markii uu qaraxa dhacay ayaa booliska waxa ay heleen warbixin ku saabsan qarax kale oo ka dhacay guri dabaq ah oo ku yaala Skarpnäck ee koonfurta Stockholm. Halkaa, waxyeelada waa mid fudud, mana jiro qof ku dhaawacmay.
