Norway ayaa soo rogi doonta talaabooyin adag oo lagula dagaallamayo coronavirus ka dib markii ay dhawaanahan soo bateen tirada infekshannada, oo ay ku jiraan xeerar adag oo ku saabsan shirarka gaarka loo leeyahay, sida ay sheegtay ra’iisul wasaare Erna Solberg maanta oo isniin ah.

Dowlada ayaa sidoo kale sheegtay inay joojinayso waxyaabaha ka reeban sharciyada karantiilka ee shaqaalaha ajaanibta ah ee imanaya Norway ay ku raaxeysanayeen ilaa iyo hada.

Laga bilaabo Oktoobar 31, dhammaan shaqaalaha ajnebiga ah ee imanaya Norway kuwaasi oo ka socda wadamada ay ka jiraan Kiisaska badan ee Coronaha waa inay maraan karantiil toban maalmood ah.

“Waxaan u baahanahay inaan waxbadan ka qabanno xakameynta faafitaanka cudurka,” ayay Solberg ku tiri shirkeeda jaraa’id.

Kulamada dadweynaha ee gudaha hadda waxay ku koobnaan doonaan 50 qof, iyadoo laga laabanayo go’aan hore oo loo oggolaaday illaa 200 qof, halka tirada ugu badan ee loo oggol yahay inay ku kulmaan goob gaar ah laga jari doono 20 iyadoo inta ugu badan laga dhigay 5 marti oo kaliya.

In kasta oo Norway ay haysato heerka ugu hooseeya ee Yurub ee cudurada cusub ee COVID-19, haddana dowladda ayaa aaminsan in ku guuldarraysiga in la soo rogo tallaabooyin bartilmaameed ah ay hadda horseedi karto xirxirnaan ballaaran, sida kuwa dalal kale oo badan.

Solberg bishii Maarso waxay ku baaqday awoodaha deg-degga ah si loo xiro iskuulada, makhaayadaha, dhacdooyinka isboorti iyo hay’addo badan oo dawladeed iyo kuwa gaar loo leeyahay.

Somaliska Oslo