Shalay oo isniin ah ayay maxkamada racfaanka ee dalka Sweden ayaa ku gacan saydhay go’aankii booliiska ee ahaa in ay joojiyeen ogolaanshiyaha in lagu gubo qur’aanka kariimka ah gudaha Sweden.
Maxkamada Racfaanka ayaa xaqiijisay go’aanka maxkamada maamulka oo u arkayay in go’aanka booliska uusan laheyn sabab sharci ah sida ay ku warantay wakaalada wararka Sweden ee TT.
Maxkamadda maamulka ayaa horraantii bishii April soo saartay go’aan ay ku sheegtay in go’aankii ay booliisku kaga hortageen laba shir oo lagu gubayay Qur’aanka uu ahaa mid khalad ah oo ay tahay in la baabi’iyo.
Maxkamaddu waxay tixgelisay in Sharciga Nidaamka Dadwaynaha uu siinayo fursad aad u xaddidan oo lagu diido oggolaanshaha, suurtogalnimadani ma jirin kiiska labada gole ee la diiday.
Waxay sheegtay in xaaladda khatarta ah ee uu booliisku ku saleeyay go’aannadooda aysan ahayn mid la taaban karo oo si cad ugu xiran shirarka laga hadlayo, si ay u awoodaan inay diidaan ogolaanshaha.
Booliska ayaa kiiskii u gudbiyay maxkamada racfaanka iyagoo naqdiyay go’aanka maxkamada, iyagoo sheegay in go’aanka diidmada sharciga uu ahaa mid sax ah, kadib markii ay la tashadeen hay’adda nabadsugida ee Dalka.
