Musharaxa madaxweynaha midig-fog ee Faransiiska Marine Le Pen ayaa sheegtay inay doonayso inay ganaaxdo haweenka xijaabka ku xidha goobaha ay dadku isugu yimaadaan.
“Dadka waa la ganaaxi doonaa, si la mid ah ganaaxa xidhashada suunka,” Marine Le Pen ayaa intaa ku dartay wareysi ay siisay raadiyaha Faransiiska ee RTL. Sida ay sheegtay TT.
Sannadihii u dambeeyay, Faransiisku waxa uu soo saaray sharci xaddidaya isticmaalka niqaabka iyo calaamadaha kale ee diimeed ee xaaladaha qaarkood.
Talaabadii ugu dambeysay ee ay Le Pen ku dhawaaqday, saddex maalmood ka hor doorashada madaxtinimo ee dhacaysa maalinta Axadda, si ay xayiraado dheeraad ah ugu soo rogaan dadka Muslimiinta ah ee ku nool Faransiiska.
Marine Le Pen waxa ay sheegtay in aanay doonayn in ay ku soo rogaan ganaaxa ilaa aftida ka dib, si aanay khatar ugu galin in ay ku xad gudubto dastuurka. Wareysiga, ayay ku dartay, inay hubtay inay taasi tahay “waxa Faransiisku doonayo”.
Le Pen (RN) ayaa ah musharaxa ugu cadcad ee la tartami karta madaxweynaha talada haya Emmanuel Macron (midig-dhexe).
Codbixintii ugu dambeysay ee Ipsos ayaa muujisay in 27 boqolkiiba dadka Faransiiska ay u codeyn doonaan Macron, halka Le Pen ay tahay musharaxa labaad ee ugu taageerada badan iyadoo heshay 20.5 boqolkiiba codadka
