Booliska ayaa sheegay in wiil yar oo 15 jir ah ay lugaha ka haleeshay rasaasta, halka nin 25 jir ah ay dhowr meelood kaga dhacday rasaasta, kadib markii rasaas lagu furay iyaga oo ku sugnaa bannaanka hore ee maqaayadda Pizza-ha ee degmada Hässleholmen.
Labadoodaba waxaa loo qaaday isbitaalka Södra Älvsborg, midna xaaladdiisu waa mid halis ah, sida uu sheegay afhayeen u hadlay isbitaalka. Xaaladda dhibbanaha kale waa mid caadi ah
Booliska ayaan garaneynin sababta ka dambeysay toogashada, balse waxaa jiray dad badan oo goobjoog u ahaa dhacdadan. Dembiilaha ayaa la sheegay in uu wajiga soo qarsaday kadibna uu goobta kaga tagay mooto.
