Hoggaamiyaha xisbiga Konserfatifka, Ulf Kristerston, ayaa dawlad uu hoggaamiyo xisbigiisu u arkay inay tahay beddelka keliya ee lagu kalsoonaan karo.

Waxa uu khudbad uu ololaha doorashada maanta ka jeediyay magaalada Norrköping ku sheegay in xisbiga Socialdemokraterna aan la aamini karin.

Kristerston ayaa ka hor hadlay afar boqol oo Konserfatif ah, hoggaamiyeyaasha doorashada maxalliga ah, shir xisbi, kaas oo inta badan khudbadda kaga hadlay arrinta dawladda.

Waxa uu intaa ku daray, “Waxaan si tartiib ah u dhisnay koox dhinacayada siyaasadda ah, oo hadda diyaar u ah, karti leh isla markaana diyaar u ah inay hoggaamiso.”

Waxa uu u qaatay in afarta xisbi ee aasaaska u ah xukuumaddiisa uu soo jeedinayo aanay wax walba ku heshiin.

“Laakiin waxaan ku heshiinay arrimaha muhiimka ah ee ku filan si aan natiijooyinka wadajirka ah u gaarsiinno,”

Kristerson ayaa sii watay hadalkiisa isagoo xusay in uu damacsan yahay in uu soo dhiso dowlad wadajir ah gaar ahaan xisbiga Kristdemokraterna, halka Kristerston uusan rabin in uu ka jawaabo in uu rabo in xisbiga Libaraalka sidoo kale lagu daro dowladdaas iyo in xisbigiisu uu garwaaqsado in uu la shaqeeyo baarlamaanka dhexdiisa.

Dhanka xisbiga Sverigedemokraterna (SD) waxaa qorshuhu yahay in dowlad dhex dhexaad ah ay la shaqeyso xisbigan, lagana yaabo in ay hogaanka xisbiga SD ku yeelato baarlamaanka Sweden.