Hay’adda laanta socdaalka waxay la kulantay cambaareyn muddadii sugitaanka dheereed ee codsadayaasha dhalashada Sweden. In kasta oo sharcigu dhigayo in codsiyada lagu helo afar toddobaad gudahood, haddana dadka badankood waxay sugaan in ka badan hal sano in lala socodsiiyo inay noqon karaan muwaadin Iswiidhish ah iyo in kale.
“Marka sharciga loo hoggaansami waayo, kalsoonida lagu qabo dhammaan nidaamka sharciga ayaa meesha ka baxaysa,” ayuu yiri borofisarka sharciga ee Jaamacadda Linnaeus, Peter Skoglund . Sida maanta ay tabisay SVT.
Sannadkii 2018-kii, waxaa dhaqan galay sharci cusub oo qof walba uu codsan karo in kiiska ay si dhakhso leh uga go’aan gaarto Hay’adda Socdaalka Markii la helo codsiga deg-degga ah, hay’adda waxaa waajib ku ah inay go’aan ka gaarto kiiska afar toddobaad gudahood.
Socdaalku wuu diidi karaa codsiyada deg-degga ah, laakiin codsaduhu wuxuu markaa rafcaan ka qaadan karaa go’aankiisa maxkamadda. sanadihii 2019-2020, Maxkamadda Socdaalka waxay go’aansatay 45,106 codsi deg deg ah, oo ku waajibineysa Hay’adda Socdaalka inay go’aan ka gaarto codsiyada muwaadinimada sida ugu dhakhsaha badan. Si kastaba ha noqotee, celceliska waqtiga ay ku qaadatay Wakaaladda Socdaalka inay go’aan ka gaarto codsiyada dhalashada waxay ahayd 13 bilood.
Marka laga hadlayo xalka, Skoglund wuxuu yiri, “Sharciga waa in dib loo eegaa oo la adkeeyaa si loo kordhiyo cadaadiska Hay’ada Socdaalka, ama in maxkamada ay ku qeexdo xukunkeeda waqti cayiman iyo sida ugu dhaqsaha badan.
