midowga ururada, Kommunal, ayaa ku hanjabay shaqo joojin 55,000 oo shaqaale ah oo ka socda shirkadaha caafimaadka iyo shirkadaha daryeelka gaarka loo leeyahay toban maalmood gudahood hadii shirkadahaasi aysan ka jawaabin dalabkooda ku aadan kordhinta mushaarka. “Waa nalaku qasbay inaan hadda sameyno,” ayuu yiri Madaxweynaha Xiriirka Tobias Bowden. Sida ay qortay jariidada Aftonbladet.
Wadaxaajoodyada ayaa istaagay Kommunal iyo daladda daryeelka caafimaadka ee Almega. Ururada shaqaalaha ayaa maanta sheegay in shaqada ay ku joogsan doonto shirkadaha gaarka loo leeyahay ee caafimaadka iyo daryeelka hadii aan heshiis la gaarin ka hor 15-ka Janaayo. Tan waxaa ka mid ah kalkaaliyayaasha caafimaadka, kaaliyeyaasha daryeelka caafimaadka, iyo bixiyeyaasha cuntada.
“Waxaa jiray wadaxaajoodyo wax ku ool ah, laakiin waxaan ogaanay shalay inaysan ku talo jirin inay ogolaadaan waxa aan weydiisaneyno,” Bowen ayaa ku yiri war-saxaafadeed. Ma weydiisanayno wax ka badan wixii ay horay u heleen shaqaalaha ka shaqeeya waaxyaha dawladu. ”
Tilaabada labaad, ururada shaqaalaha waxay ku hanjabeen inay joojinayaan shaqada guryo badan oo xanaano ah iyo xarumo caafimaad oo gaar loo leeyahay oo kuyaala wadanka Sweden, laga bilaabo bisha Janaayo 22. Ururada shaqaaluhu waxay ku baaqayaan in loo kordhiyo mushaaraadka shaqaalaha ka shaqeeya shirkadaha daryeelka caafimaadka gaarka loo leeyahay, taasoo la mid ah kororka ay asxaabtooda ku leeyihiin waaxda dawladu ay heleen dayrtii hore.
“Waxaan layaabay in shirkadaha macaash doonka ahi ay u dhaqmayaan qaabkan inta lagu jiro aafada dalka ku haysa,” ayuu yiri Bowden. Waxay doorteen inay lacagtooda ku bixiyaan waxyaabo kale. ”
Waxay noqon doontaa shaqo joojin taariikhi ah Dadka waayeelka ah sinaba looma saameyn karo.
