24-kii saac ee la soo dhaafay , Dowlada Jarmalka ayaa diiwaan galisay 27,728 kiis oo cusub oo coronavirus ah iyo 952 dhimasho la xiriirta corona .

Sida ay qortay wakaaladda wararka ee Reuters tirada dadka dhintay ayaa la diiwaangaliyay 24 saac ee lasoo dhaafay taasi oo ka dhigan in Germalka uu ku jiro xaalad adag oo dhanka Coronavirus ah.

Isku soo wada duuboo, wadanku hada wuxuu diiwaan galiyay 23,427 oo dhimasho ah tan iyo markii uu xanuunka ka dilaacay wadanka.

Arbacada maanta, xiritaan iyo xayiraado cusub ayaa laga soo bandhigi doonaa Jarmalka oo dhan, taas oo macnaheedu yahay in dhammaan dukaamada, marka laga reebo dukaamada waaweyn iyo farmashiyaasha, ay tahay inay xirnaadaan illaa bisha Janaayo. Dugsiyadu sidoo kale way xirmayaan.

Gudoomiyaasha Gobolada wadanka ayaa dhawaan fadhiistay taasi oo laga soo saaray in wadanka la xiro.

Somaliska Austria