Faransiiska ayaa afar Afgaanistaan ah dib ugu celiyay Bulgaria Isniintii iyadoo la raacayo Xeerka Dublin kaas oo u oggolaanaya magangelyo -doonka in dib loogu celiyo waddanka ugu horreeya ee yurub yimaadda.
Qareennad u doodaya waxay ka baqayaan in dadkan reer Afgaanistaan hadda dib loogu masaafuriyo waddankii ay ka yimaadeen, maadaama Bulgaria aysan joojin tarxiilkeedii Afghanistan inkasta oo ay Taliban la wareegeen dalkaasi.
Ururka qareennada Strasbourg ee bariga Faransiiska ayaa cambaareeyay soo celinta afarta reer Afgaanistaan ee Faransiisku ku soo celiyey Bulgaria sida uu dhigayo xeerka Dublin ee oggolaanaya in magangelyo -doonka dib loogu celiyo waddankii ugu horreeyey ee yurub yimaad.
Ururku wuxuu tilmaamay in muwaaddiniinta Afgaanistaan ay halis ugu jiraan in dib loogu celiyo waddankii ay ka yimaadeen. Bulgaria ma aysan joojin masaafurinta Afghanistan inkastoo kooxda Talibanka ay awoodda la wareegtay bishii Ogosto ee la soo dhaafay.
