Dowladda Sweden ayaa ku dhawaaqday in ay doonayso in ay cadaadis ku saarto dadka Ukrain ee la siiyay magangalyada in ay Sweden ka shaqeeyaan sida ugu dhaqsaha badan.
Dawladdu waxay u igmatay xafiiska shaqada iyo laanta socdaalka in ay siiyaan qaxootiga Yukreeniyaan macluumaad ku filan oo ku saabsan bulshada Iswiidhan, suuqa shaqada iyo muhiimada ay leedahay in la is taageero.
“Qof walba oo shaqayn kara waa inuu shaqeeyaa,” ayuu yiri wasiirka socdaalka iyo isdhexgalka Anders Ygeman oo shir jaraa’id qabtay maanta . Kuwa imanaya rajo weyn baan ka qabnaa”.
Wasiirka shaqada Eva Nordmark ayaa tiri, “Waxaa jira boosas badan oo banaan, waxaana jira fursado wanaagsan oo kuwa hela ilaalin ku meel gaar ah si ay u galaan suuqa shaqada.” Sida uu sheegay TT.
Kuwa lagu siiyo sharciga degenaanshada ee hoos timaada Awaamiirta guud ee EU waxay si toos ah u helayaan ogolaanshaha shaqada. Hadda waxay qaadanaysaa ilaa sagaal maalmood in dadka reer Yukreeniyaanka ahi isdiiwaangeliyaan, sida uu sheegay Nordmark.
Dadka reer Ukraine xaq uma laha gunnada taabo gelinta ee qaxootiga ay helaan.
“Qof kastaa wuxuu heli doonaa macluumaadka ku saabsan sida loo codsado shaqo iyo qaybaha ay shaqadu ku jiraan,” Nordmark ayaa yidhi.
Muuqaalka ugu weyn ee Wakaalada Socdaalka ayaa ahaa in 76 kun oo Yukreeniyaan ah ay imaanayaan Iswiidhan kahor bilowga Luulyo. Ilaa hadda, 30,000 oo qof, oo u badan dumar iyo carruur, ayaa soo gaadhay
