Boqolkiiba 66 ilaa 75 dadka dib u bixiya amaahda Waxbarashada ayaa kordhay kadib markay u guureen meel ka baxsan Iswiidhan sannadihii la soo dhaafay, iyo amaahda ka baxsan dalka oo la sii waday in dib loo bixiyo sanadkii hore inkasta oo dhibaatada Corona ay timaaday. Halka dadka qaar ay wali wajahayaan dhibaato dhanka bixinta sabab la xiriirta caqabadaha bangiyada ee wadamada qaar. Sida ay maanta qortay idaacada Sweden.
Xoghayaha saxaafadda ee CSN, Claas Elving ayaa sheegay in boqolkiiba dadka amaahda dib u bixiya ay korodhay 10-kii sano ee ugu dambeysay oo ahayd 66 illaa 75 boqolkiiba, koror aad u weyn.
Sida Willow Abdullah, oo u guuray Soomaaliya, uu yiri, “Waxaan doonayaa inaan dib u bixiyo amaahda, laakiin ma garanayo sida loo sameeyo taas, maaddaama aanan haysan aqoonsi bangi,” taasoo muujineysa inuu la xiriirayo CSN si loo xalliyo dhibaatada.
Hadda waxaa jira ku dhowaad 64,000 oo qof oo haysta amaahda ardayda wadar ahaan 14 bilyan oo karoon. Maamulka Taakulaynta Tacliinta waxay ka shaqeeyeen sanadihii la soo dhaafay inay la xiriiraan dadka aan bixin amaahda waxayna u magacaabeen baarayaal gaar ah ujeedkan, dacwada qaarna sidoo kale waxaa laga gudbiyay maxkamadaha. Elving waxay tiri tani waxay laheyd natiijooyin wax ku ool ah, maadaama tirada dadka wax bixiya ay si weyn kor ugu kacday.
Somaliska Stockholm
Xigasho/Radiosverige
