Telefishinka dalka Sweden ayaa maanta daabacay warbixin ku saabsan “faquuq” la xiriira cudurrada dhimirka ee ka dhex jira kooxaha Sweden qaarkood.

Warbixinta ayaa lagu soo bandhigay sheekadii Rawda Xasan, oo isku xilqaantay sidii ay Xamarkullen uga wacyigelin lahayd cudurrada dhimirka ee kooxaha laga tirada badan yahay.

Rawda ayaa soo qaban qaabisay siminaar ay u qabatay hooyooyinka soo galootiga ah ee Soomaaliyeed oo uu la socdo dhaqtarka dhimirka Yaasiin Ikdal.

“Caafimaadka waxaa ka jira kalsooni darro weyn, oo aanay dadku u furfurnayn inay soo bandhigaan dhibaatooyinkooda, sida aanu caawa ku ogaannay dhakhtarka dhimirka ee Yaasiin Ikdal. Sida ay sheegtay Rawda

Rawda ayaa tilmaantay in arrinta xanuunka dhimirku ay tahay mid Soomaalida iyo dadka laga tirada badan yahay lagu takooro. Markaa waxay hooyadeed la bilowday hindise, si ay u hesho meel ay dadka soogalootiga ahi si furan ugala hadlaan caqabadaha ay la kulmaan.

Rawda waxay hore ugu casuuntay khabiir ku takhasusay hab-dhaqanka si uu ugala hadlo xanuunka dhimirka. Kooxdan oo u badan hooyooyin Soomaaliyeed ayaa waxay codsadeen dhakhtar dhimirka ku hadla oo ku hadla afka Soomaaliga, iyagoo u yeeray Yaasiin Ekdal oo ah