Kooxaha gurmadka ee Ukraine ayaa sheegay in 14 qof ay ku dhinteen weerarka oo ka dhacay dabaqa guri halka saddex qof oo uu ku jiro ilmo yar lagu dilay weerarka lagu qaaday xarunta nasashada.

Intaa waxaa dheer, 30 ayaa ku dhaawacmay, sida lagu sheegay fariin ka timid adeegyada gurmadka ee Ukraine.

Inta la xaqiijiyay 7-ruux ayaa la soo badbaadiyay iyagoo nool oo ay ku jiraan saddex caruur ah.

Sergei Bratsjuk, oo ah afhayeenka maamulka militariga ee gobolka Odesa, ayaa sheegay in weerarka gantaalka laga soo qaaday diyaarad dul mareysay badda madow. Madaafiicda ayaa ku dhacay magaalada dekedda leh ee Bilhorod-Dnistrovsky.