Ciidamada Ruushka ayaa isku dayaya inay hareereeyaan magaalooyinka Ukraine oo ay ku jirto caasimadda Kyiv, sida laga soo xigtay ilo ka tirsan Pentagon-ka.
– Kharkiv, Chernihiv iyo Mariupol – waxaan aragnaa isku dayo lagu doonayo in lagu hareereeyo magaalooyinkaas, ayuu yiri ilo sare oo ka tirsan Waaxda Difaaca Mareykanka.
Isku dayo isku mid ah ayaa lagu arkay hareeraha caasimadda, iyadoo dhowr saf oo ka mid ah askarta Ruushka ay ku soo wajahan yihiin, sida ay ilo-wareedka sheegeen.
Shaqsiga la hadal hayo ayaa sidoo kale sheegay in ciidamada Ruushka 24-kii saac ee lasoo dhaafay ilaa Khamiista ay u dhaqaaqeen meel 5 kiilo mitir u jirta caasimadda.
– Sidaa awgeed dardar ayaa jira. Laakin waa in la eego tan. Hadal badan ma jiro, ayuu yidhi.
Waxa uu sidoo kale tilmaamay in caasimadda “si weyn loo ilaaliyo”.
Si kastaba ha ahaatee, lama sheegi karo inta ay qaadan karto ka hor inta aysan ciidamada Ruushka weerarin Kyiv lafteeda, ayuu raaciyay, isagoo tilmaamay inay jiraan askar Ruush ah oo 15 kiilomitir u jirta bartamaha magaalada.
