Fanaan caan ah oo Swedish ah ayaa lagu helay dambi ah inuu dhac u geystay dukaan ku yaala Kista bishii Agoosto. Ciqaabtu waxay noqon doontaa hal sano oo xadhig ah, sida lagu sheegay war-saxaafadeed ay soo saartay maxkamadda degmada Solna.

Sida lagu sheegay xukunka, fanaanka iyo laba nin oo kale ayaa xaday alaabo qiimaheedu ka badan yahay 5,300 oo karoon, iyagoo u hanjabay milkiilayaasha dukaamada.

 Sida uu sheegay xeer ilaaliyuhu, laba ka mid ah raggan oo uu ku jiro fanaanku, ayaa lala xidhiidhin karaa shabakad dembiilayaal ah oo aagga ka hawl-gasha, taas oo xoojisay khatarta ka dhanka ah dacwoodayaasha.

Shaqaalaha bakhaarka ayaa sheegay intii uu boolisku baadhista ku jiray in loogu hanjabay in la dili doono, isla markaana kooxihii falkan gaystay ay ka qaateen wixii ay doonayeen oo ku jiray dukaanka fasax la’aan.