Shaqaalaha ajaanibta ah ee aan u shaqo tagin Norway sababo la xiriira xannibaadaha loo yaqaan ‘coronavirus’ ayaa heli doona kaalmo aga bilaabo 29ka Janaayo.
“Tan iyo markii xadka la xiray 29-kii Janaayo, fursad uma helin inay shaqeeyaan, qaar badanna mushaar lama siin. Waxaan hadda Dowlada soo jeedineynaa qorshe kaalmo cusub oo ku saleysan nidaamka mushahar bixinta, iyadoo taasi suurtagal ka dhigeyso in si dhaqso leh loo dejiyo qorshe, ”ayay tiri ra’iisul wasaare Erna Solberg (H).
Solberg ayaa ku dhawaaqday inay ku wargelisay dhigeeda reer Sweden Stefan Löfven qorshahan.
“Waan ku faraxsanahay inaan helnay xal u sahli kara xaalada dad badan oo iswiidhish ah oo ka shaqeeya Norway,” Solberg ayaa raacisay.
Nidaamku wuxuu khuseeyaa Dadka ku nool aagga EEA.
Xisbiga hormarinta ee (FRP) Erlend Wiborg ayaa ka digay in FRP aysan taageeri doonin qorshahan.
FRP waa ka soo horjeedaa arintaan, maadaama aan aaminsanahay in kaalmada ceyrta ee norwejiga ay tahay in la siiyo muwaadiniinta norwiijiga ah iyo dadka kale ee Norway ku nool kana shaqeeya.
Qorshaha kaalmada ee dowladda ayaa la siinayaa dadka ku nool Romania, Poland, Latvia, Sweden, iyo wixii la mid ah, ”ayuu Wiborg u sheegay xafiiska wararka ee NTB.
