Heiko Maas ayaa baajiyay safar la qorsheeyay inuu ku aado dalka Jordan kadib markii xubin ka mid ah ilaaladiisa amaanka laga helay baaritaanka cudurka coronavirus. Wasiirka arrimaha dibedda Jarmalka ayaa ku sugnaa Brussels si uu wadahadallo ula yeesho dhiggiisa Midowga Yurub horraantii toddobaadkan.
Wasaaradda arrimaha dibedda Jarmalka ee Berlin ayaa Arbacadii sheegtay in Heiko Maas uu iskiis isku tikoorayo si taxaddar leh ka dib markii xubin ka tirsan shaqaalaha amniga laga helay baaritaanka coronavirus.
Wasiirka arrimaha dibadda Maas wuxuu isa saaray karantiil kadib markii xubin ka tirsan koox ilaalintiisa gaarka ah uu ku dhacay cudurka COVID-19, ”ayaa lagu yiri bayaan ay soo saartay wasaaradda.
Sidoo kale karantiilka waxaa ka mid ah Wasiirka Dhaqaalaha Jarmalka Peter Altmeier, oo sheegay inuu sidaas sameeyay ka dib markii uu ogaaday in shaqaale u shaqeeya midowga Yurub oo ka qeyb galay shirkii ganacsiga ee Berlin Isniintii la soo dhaafay.
Wasaaradda Arrimaha Dibadda ayaa sheegtay in Maas tijaabadiisii ugu horreysay ee COVID-19 – kadib feejignaantii shaqaalihiisa – ay ku soo laabatay si caadi ah.
Siyaasiga 54 jirka ah ee ka tirsan xisbiga Sooshal dimuqraadiga ayaa lagu qasbay inuu baajiyo safarkiisa dhowaan uu ku tagi lahaa Jordan natiijadaas darteed.
Somaliska Berlin
Xigasho/DW
