Xeer ilaalinta guud ayaa maanta ku soo oogtay nin dhalinyaro da’diisa lagu sheegay in uu dilay hooyadii isagoo u isticmaalaya toorey.

Hooyadan oo 45 jir ah ayaa lagu dilay gurigeeda oo ku yaala Eskilstuna bishii April ee la soo dhaafay. Saacado ka dib, boolisku waxay xireen wiilka iyagoo looga shakiyay inuu dilka geystay.

Sida ku cad eedaymahan, wiilkan dhalinyarada ah ayaa hooyadii waxa uu si naxariis darro ah ugu dilay toorey, taasoo keentay in ay u geeriyooto.

Eedeysanaha ayaa qirtay dambiga xilli ay booliska su’aalo weydiinayeen.

Xeer ilaalinta ma aysan shaacin faahfaahin dheeraad ah oo ku saabsan kiiska.