Turkiga ayaa bilaabay daabulida nidaamkiisa difaaca gantaalaha Ruushka ee S-400 oo la geynayo goob tababar oo u dhow Sinop, oo ah magaalo ku taal cirifka waqooyiga dalka, sida ay ku warantay wakaaladda wararka ee Turkiga Talaadada maanta
Goobjoogayaal ayaa la wadaagay muuqaallo fiidiyoow ah oo ku saabsan nidaamyada la soo marsiinayo magaalada ku taal gobolka badda madow ee dalka.
https://twitter.com/i/status/1313406417659977728
Turkiga ayaa soo saaray la talin loo yaqaan “NOTAM”, oo ay ku jiraan xayiraadaha hawada ee ay soo saareen mas’uuliyiinta mas’uulka ka ah hawada, oo ku saabsan tijaabada lagu sameyn doono Sinop ee xeebta Badda Madow, saxafiga Turki ah Levent Kemal ayaa soo wariyay Talaadadii.
Turkiga ayaa nidaamka S-400 ka helay Ruushka sanadkii la soo dhaafay ka dib qandaraas $ 2.5 bilyan ah oo lala saxiixday Moscow 2017, laakiin wali ma uusan tijaabin nidaamka.
Nidaamkan oo markii hore la rabay in la hawlgaliyo bishii Abriil ayaa sababay khilaaf u dhexeeya Turkiga iyo xulafadiisa reer galbeedka, kuwaas oo sheegaya in qalabkan uu Ruushku dhisay uu horseedi karo khiyaano ka dhan ah hubka casriga ah ee NATO.
Iyaga oo soo xiganaya dukumiintiyada rasmiga ah ee dowladda, warbaahinta Turkiga ayaa soo wariyay madama Oktoobar 2-deeda la qorsheeyay in Oktoobar 5 -16 ay dhacaan tijaabada , oo ay ku jiraan “hubinta awooda nidaamka lagu ogaan karo laguna raadsan karo bartilmaameedyada, shucaacyada shaqeynaya, awooda nidaamka isgaarsiinta. , iyo sidoo kale in la tijaabiyo xakamaynta dabka iyo xakamaynta taliska.
Somaliska Istanbul
Turjumay Somaliska/ xigasho Ahval
