Wasiirka arrimaha dibadda ee Turkiga ayaa rajaynaya “tallaabooyin la taaban karo” oo ka yimaada dhinaca Iswidhan ka hor inta aan la ansixin codsiga NATO.

Hadalkan ayaa ka soo baxay wasiirka arrimaha dibadda Turkiga ee dhawaan la magacaabay Hakan Fidan oo uu arbacadii khadka taleefoonka kula hadlay saaxiibkiis Iswidhan Tobias Billström, sida uu qoray wargeyska Daily Sabah.

Labada wasiir ayaa la sheegay inay isku afgarteen in la sii wado wada xaajoodyada kulanka todobaadka soo socda ee Sweden iyo Turkiga, sida ay sheegtay wasaaradda arrimaha dibadda ee Turkiga. Shirkan ayaa ah mid rasmi ah.

Turkiga iyo Hungary ayaa ah dalalka kaliya ee NATO ee aan ansixin codsiga Sweden ee xubinnimada. Waxaa ka mid ah in Turkiga ay dalbadeen in la sameeyo khad adag oo dhanka PKK ah oo Kurdiyiinta ah iyo in loo gacan geliyo dadka uu dalkaasi u arko argagixisada. Sharciga cusub ee argagixisada Sweden oo mamnuucaya ka mid noqoshada ururada argagixisada kuma filna Turkiga, mas’uuliyiinta ayaa u sheegay Daily Sabah.

Khamiista, Billström wuxuu la kulmi doonaa madaxa NATO Jens Stoltenberg si uu ugala hadlo habka diiwaangelinta.