Mid kamid ah Dhacdooyinka ugu hadal heynta badan Sweden ayaa ka dhacday Caasimada Stockholm kadib markii nin Darawal Taksiile ah uu dhibaato kala kulmay Macmiilkiisa.
Sida ay muujineyso Xogta Expressen oo soo xiganeysa Warbixin uu daabacay Booliska nin Darawal ah ayaa qof Macmiil ah kasoo qaaday isbitaalka Huddinge waxana uu u waday halka uu doonayay.
Markii wadada lagu jiray ayuu Qofkii Macmiilka ahaa lasoo baxay hub kadibna ku qabtay ninkii Darawalka ahaa isagoo ka qaatay Mobilada uu watay.
intaas oo kaliya maahane Ninka Macmiilka ahaa ayaa Darawalka ku qasbay inuu u kaxeeyo goob aanan aheyn halkii marka hore lagu heshiiyay.
Falka kadib ninka Darawalka ahaa ayaa xiriir la sameeyay Booliska waxana uu uga sheekeeyay sida falka u dhacay Booliska ayaa ninkii ka reebay gaariga Taxiga ahaa si ay baaritaan ugu sameeyaan.
Darawalada Taxiga ayaa mararka qaar la kulma dhacdooyin Cajiib ah taasi oo ay ugu wacantahay la kulanka bulsho kala duwan.
Somaliska Stockholm
Author:- CAYGA
