Xadka 50 qof ayay dowlada ogoshahay marka ay timaado isku imaatinka lakin 500 oo qof ayaa la ogolaan karaa hadii ay buuxiyaan sharuudaha looga baahan yahay sida hadii uu jiro fadhi kuraas oo kale oo ilaalin kara masaafada halka mitir ayuu yiri Wasiirka Arimaha Gudaha Mikael Damberg iyo Wasiirka Dhaqanka iyo Dimuqraadiyada Amanda Lind oo shir jaraa’id qabtay.
kulanka dhacaya maalinta khamiista ayaa laga soo saaridoonaa go’an cusub kaasi oo dhaqan galaya 8 bisha october ee nagu soo wajahan sida ay shirkooda ku sheegeen wasiirada.
– Caqli gal maaha hadday 200 qof fadhiistaan maqaaxi wax ka cunaan oo muusik iyo ciyaaro ay bilaabaan laakiin 50 waa caadi, ayay tidhi Amanda Lind.
Dawladdu waxay rabtaa soo-jeedin cusub oo loogu talagalay fadhiyada isla markana dhaqan galaya Oktoobar 15 haddii ay dawladdu go’aansato. waxaa markaasi loo ogolaan karaa 500 oo qof, haddii xaalada infekshanku saamaxo.
– Dhagaystayaashu waa inay fadhiistaan masaafo hal mitir ah oo midba midka kale ka kale. Laba qof oo isku shirkad ah waa inay wada fariistaan iyadoon masaafad u dhaxaynin. Tani waxay waafaqsantahay waxa ay wakaalada caafimaadka dadwaynaha iswiidhishka soo jeedisay ee ku saabsan jawaab celinta latashiga, ayay tiri Amanda Lind.
Dawladdu waxay ku casuumi doontaa golaha dhagaystayaasha jilayaasha ay khusayso, abaabulayaasha dhaqanka iyo isboortiga, si ay ugala xaajoodaan xaaladda qaab haboon.
Somaliska Stockholm
