Wasiirka caddaaladda ee dalka Sweden Gunnar Stromer ayaa maanta sheegay in xaaladda ammaan ee dalkiisa ay noqotay mid ka khatar badan sidii hore, taas oo ay ugu wacan tahay khatarta argagixisada oo kor u kacday, taas oo ka dhalatay qalalaasaha Qur’aanka Kariimka ah ee la gubay.

Hadalka Stromer ayaa ku soo aadaya hadal uu u jeediyay wakaalada wararka Sweden ee TT, isagoo ka hadlayay digniintii wasaaradda arrimaha dibadda ee Britain ay uga digtay muwaadiniinteeda weeraro argagixiso oo ka dhaca Sweden.

Wasiirka ayaa ku nuux nuuxsaday in xaalada amni ay noqotay mid ka halis badan sidii ay aheyd lix bilood ka hor, isagoo tilmaamay in qiimeynta Wasaaradda Arrimaha Dibadda ee Britain ay tahay mid waafaqsan qiimeynta madaxda Sweden.

“Waxaan ku jirnaa xaalad ka khatar badan sidii hore,” ayuu raaciyay. Waxaan ka gudubnay bartilmaameed sharci ah oo aan u gudubnay bartilmaameed sare, oo ka sarreeya, weerarrada ururada argagixisada Islaamiga ah.”

Dowladda Sweden ayaa horey uga digtay kororka qataraha dhanka amaanka ah ee ka dhalan kara dhibaatada lagu gubayo Qur’aanka kariimka ah, waxayna u xilsaartay hay’ado iyo waaxyo kala duwan inay xoojiyaan shaqadooda si ay uga hortagaan khataraha.