Wakaaladda waxbarashada ee qaran ayaa baajisay imtixaannadii qaran inta lagu gudajiray xilliga guga aafada awgeed. Tani waxay siin doontaa waqti dheeri ah waxbarista waxayna yareyn doontaa culeyska shaqada ee barayaasha sanadka dambe.
Ku dhawaaqiddu waxay timid intii lagu jiray shir jaraa’id oo ay la yeesheen Hay’adda Qaranka ee Waxbarashada iyo Wasiirka Waxbarashada subaxnimadii Talaadada. Dhammaan imtixaannadii qaran ee laga qaaday dugsiga hoose-dhexe, dugsiga sare iyo waxbarashada dadka waaweyn ee xilliga guga ayaa hadda la joojiyay. Dugsiga hoose sannadka saddexaad waa laga reebay, sidoo kale sannadka afraad ee dugsiga Sami (sameskolan) iyo dugsiga gaarka ah.
– Waxaan ku jirnaa xaalad aan ugu baahanahay in aan wax ka bedelno heer qaran iyo heer degmo, ayuu yiri agaasimaha guud ee Hey’adda waxbarashada ee Sweden, Peter Fredriksson.
Taageerada qiimeynta khasabka ah ee sanadka koowaad ee dugsiga hoose / dhexe ayaa sidoo kale la bixin doonaa sanadka soo socda. Khasab noqon maayo in macallimiintu ay tan u adeegsadaan 2021.
– Shaqooyinka imtixaannadu waa inay noqdaan kuwo fasalka taageera. Sababta ugu weyn ee aan u baajineyno waa xaalada aan ku sugan nahay, ayuu yiri Peter Fredriksson wuxuuna tilmaamay saameynta cudurka faafa awgeed, aysan macquul aheyn in la damaanad qaado in ardayda ay helaan waxbarashadii looga baahnaa si ay u dhameystiraan imtixaanada qaran. .
