Ra’iisal wasaaraha Sweden Magdalena Andersson ayaa meesha ka saarin in hub dheeraad ah loo dirayo DalkaUkraine.
Andersson oo shir jaraa’id qabatay wax yar ka hor inta aysan dalalka Midowga Yurub isku raacin in cunaqabateyn dheeri lagu soo rogo Ruushka.
“(Madaxwaynaha Ruushka Vladimir) wuxuu u maleeyay inuu wajihi doono Yurub kala qaybsan, laakiin taas bedelkeeda waxaa Ruushka lag go’doomiyay caalamka,” ayay raacisay.
Andersson ayaa ka qayb gashay shir madaxeedka EU-da ee aan rasmiga ahayn todobaadkii hore. Waxayna shir jaraa’id oo ay maanta qabatay ku faahfaahisay waxyaabihii leesku raacay.
“Haddii aan nahay dalalka ku jira Midowga Yurub, waxaan si adag u taagannahay inaan sii wadno taageerada Ukraine,” ayay tiri. Tani waa arrin bani’aadamnimo iyo mid ciidan labadaba. Dhinaca Iswidhan, waxa noo cad in aanu doonayno in aanu si laba geesood ah u samayno.”
“Hadda waxaa jira Caawimaad Yurub ah oo lagu taageerayo Ukraine . Ma diidayo in taageero hub oo dheeri ah laga helo Iswidhan. Qaar badan oo asxaabteyda ah (hogaamiyayaasha wadamada kale) waxay muujiyeen mowqif isku mid ah.”
Sida ay sheegtay Andersson, Midowga Yurub wuxuu doonayaa inuu xoojiyo iskaashiga kala dhexeeya Ukraine dhinacyo badan, iyadoo xustay in Midowga Yurub uu daraaseynayo codsiga Ukraine ee ku biirista.
“Sidoo kale waxay ku saabsan tahay xoojinta awoodda difaaca Yurub. Waxaan ku heshiinnay in aan kordhinno kharashka difaaca ee dalalka Yurub. Waxaana jira dalal aan Sweden ahayn oo si cad u caddeeyey inay doonayaan inay kordhiyaan kharashka difaaca
