Hay’adda Caafimaadka Dadweynaha ayaa go’aansatay inay joojiso tallaalka AstraZeneca ee ka dhanka ah Corona ee Iswiidhan illaa laga dhammaystirayo baaritaanka ay Hay’adda Dawooyinka Yurub (EMA) ka geysaneeyso waxyeellooyinka tallaalka ka imaan kara.

“Go’aanku waa tallaabo ka hortag ah,” ayuu yiri Lataliyaha Gobolka ee Epidemiology Andsch Tegnell. Sida ku xusan wareejinta SVT.

Dhowr waddan oo ay ku jiraan Jarmalka , Norway iyo Denmark, ayaa joojiyay in lagu tallaalo tallaalka ay soo saartay shirkadda Swedish-British-ka ah ee AstraZeneca, kadib markii ay soo baxeen warar sheegaya in qaar ka mid ah dadka la tallaalay ay xinjiro dhiig ah ku jiraan.

“Aqoon fiican ayaa laga helaa talaalka, laakiin waa muhiim inaan hada joojino talaalka si EMA u hubiso in cuduradan ay la xiriiraan talaalka iyo inkale,” ayuu yiri Tegnell.

Mid ka mid ah warbixinnada ayaa lagu soo warramey dhimashada haweeney 60 jir ah oo ku nool  Danmark  taasoo ka dhalatay  xinjirowga  dhiigga ka dib markii la siiyay tallaalka. Isla maalintaas, Austria waxay ku dhawaaqday geerida kalkaaliye caafimaad oo 49 jir ah oo istaroog u dhintay ka dib markii ay tallaal ka heshay isla dufcaddii laga adeegsaday Danmark. Denmark iyo Austria waxay joojiyeen inay  bixiyaan talaalka  AstraZeneca  ugu yaraan 14 maalmood