Vitalij Hura, oo ahaa guddoomiye ku xigeenka guddiga Novaya Khakovka oo u dhow Kherson u qaabilsanaa guriyeynta iyo adeegyada dadweynaha, ayaa ku dhintay isbitaal ka dib markii la toogtay Sabtidii.
Yekaterina Gubareva, oo ah ku xigeenka madaxa guddiga la-hawlgalayaasha rayidka iyo militariga Ruushka, ayaa sheegay in Hura lagu weeraray gurigiisa oo dhowr xabadood lagu dhuftay.
Sarkaal kale oo Ruushka u xiran ayaa la dilay bishii June markii bam lagu qarxiyay gaarigiisa.
Weeraro iyo dilal qorsheysan oo loo geystay saraakiil uu Ruushku soo magacaabay iyo askarta Ruushka ayaa ka dhacay dhulka Ukraine ee uu Ruushku haysto. Sida laga soo xigtay dadka reer Ukraine, dhaqdhaqaaqa iska caabinta ayaa fmas’uul ka ah dilalka qorsheysan.
