Ruushka ayaa Xaqiijiyay in markii ugu horreysay gantaal noocaan ah u adeegsadeen dagaal. Gantaalkan ayaa noociisu ahaa Kh-47M2 Kinzjal, waana gantaalka hawada laga rido in ka badan 2000 oo kilomitir.

Sida laga soo xigtay mas’uuliyiinta Ruushka, bartilmaameedku waa inuu ahaadaa kayd hubka militariga ah oo ay leeyihiin difaaca Ukraine, sida ay qortay BBC-da .

Sida ay sheegtay BBC-da, mas’uuliyiinta Ruushka ayaa barta Twitter- ka ku wadaagay muuqaal muujinaya xilligii la duqeeyay xarunta keydka hubka ee magaalada Deliatyn, taasoo wax ka yar 100 KM u jirta xuduudka uu la wadaago dalka Romania ee NATO.

Madaxweynaha Ruushka Vladamir Putin ayaa marar badan ka hadlay maalgashiga dalkiisa ee gantaalada hawada sare, kuwaas oo shan jeer ka dheereeya xawliga dhawaqa. Bishii Disembar ee la soo dhaafay, madaxweynaha ayaa ku faraxsanaa in Ruushka uu safka hore kaga jiro soo saarista gantaallada noocaan ah.

Si kastaba ha ahaatee, khabiirka hubka iyo siyaasadda nukliyeerka James Acton ee Carnegie Endowment for Peace International ma rumaysna in hubku uu sameeyo farqi weyn.