Xubnaha ka tirsan Xisbiga Shuuciga Shiinaha iyo xubnahooda qoysasku waxay lahaan doonaan xuquuqo deganaansho oo xaddidan Mareykanka, Wasaaradda Arrimaha Dibadda ee Washington ayaa ku dhawaaqday.

Tani waxay ka dhigan tahay in muddada ugu dheer ee joogitaanka Mareykanka  lasoo gaabiyey – laga bilaabo tobanka sano ee hadda soo socda iyadoi laga dhigay illaa hal bil joogitaanka- xubnaha Xisbiga Shuuciga iyo eheladooda haysta ganacsiga Mareykanka iyo fiisooyinka dalxiis ee nooca B1 / B2.

Sida lagu sheegay bayaanka wasaaradda, go’aanka waxaa loo qaatay in Mareykanka laga ilaaliyo “saameynta xun” ee xisbiga. Waxay sidoo kale sheegaysaa in xisbigu ka shaqeynayo “inuu saameyn ku yeesho dadka Mareykanka ah dacaayad, ku qasbid dhaqaale iyo howlo kale oo ceeb ah”

Xisbiga oo ay xubno ka yihiin ku dhowaad 90 milyan ayaa sidoo kale lagu eedeeyay inuu “wakiilo u diray Mareykanka si ay si xishood la’aan ah ula socdaan, u hanjabaan ugana warbixiyaan muwaadiniinta Shiinaha iyo kooxaha Sino-Amerika.”

Hadda Wasaaradda Arrimaha Dibadda ee Beijing waxay cambaareyneysaa xayiraadaha cusub ee Mareykanka.

“Tani waxay si cad u tahay nooc ka mid ah cadaadiska sii kordhaya ee ka dhanka ah Shiinaha ee xoogagga xagjirka ah ee ka soo horjeedka Shiinaha ee ku dhaqmaya ku saleysan naceyb aad u daran iyo maskax qabow oo qoto dheer leh,” ayay tiri afhayeenad Hua Chunying.

Somaliska USA